Hoppa yfir valmynd

Af góðum hug koma góð verk

Árið 2021 var viðburðarríkt á sviði loftslagsmála. Víðast hvar í samfélaginu mátti greina aukna áherslu á málaflokkinn. Íslensk stjórnvöld lögfestu í vor markmið um kolefnishlutleysi og þar með var ákveðinn taktur sleginn fyrir íslenskt samfélag. Nýverið var sett sjálfstætt landsmarkmið um 55% samdrátt í losun á beinni ábyrgð Íslands fyrir 2030 og í nýjum stjórnarsáttmála kemur fram að fullum orkuskiptum verði náð tíu árum síðar og að Ísland verði óháð jarðefnaeldsneyti fyrst þjóða.

Íslenskt atvinnulíf lét ekki sitt eftir liggja á þessu sviði. Fyrr á árinu leit fyrsta útgáfa Loftslagsvegvísis atvinnulífsins dagsins ljós. Þar eru mörkuð drög þeirrar metnaðarfullu vegferðar sem íslenskt atvinnulíf á fyrir höndum til ná markmiðum sínum um loftslagsvænan rekstur. Loftslagsvegvísirinn greinir núverandi stöðu íslenskra atvinnugreina gagnvart loftslagsmálum, helstu áskoranir sem liggja fyrir og tækifæri sem búa í framtíðinni. Þar má einnig finna úrbótatillögur fyrir hverja atvinnugrein. Ætlunin er að gefa Loftslagsvegvísinn út annað hvert ár og má búast við enn frekari markmiðasetningu og stefnumótun í næstu útgáfu. Atvinnulífið tekur með þessu virkan þátt í að móta sjálfbæra framtíð þvert á atvinnugreinar.

Að gerð Loftslagsvegvísisins standa Samtök iðnaðarins, Samtök ferðaþjónustunnar, Samorka, Samtök fjármálafyrirtækja, Samtök fyrirtækja í sjávarútvegi og Samtök verslunar og þjónustu, sem og Bændasamtök Íslands, en Grænvangur sér um verkefnisstjórn. Það er ljóst að atvinnulíf og stjórnvöld eru á réttri leið og ekki skortir viljann til góðra verka en þau þurfa sannarlega að ganga í takt til að vel megi takast til.

COP26

Loftslagsráðstefna Sameinuðu þjóðanna, COP26, fór nýverið fram í Glasgow. Þar voru ríki heims hvött til að efla verulega aðgerðir og setja sér metnaðarfull markmið í baráttunni við loftslagsbreytingar. Fram kom að markmiðið um að halda hlýnun jarðar undir 1,5°C væri enn raunhæft en krefðist samstöðu og sameiginlegs átaks þvert á landamæri. Þá var áhugavert að sjá aukna viðveru og þátttöku fyrirtækja á loftslagsráðstefnunni sem og mikla umfjöllun um grænar fjárfestingar og áherslu á að beina fjármagni heimsins í átt að grænum verkefnum og kolefnishlutleysi.

Á Íslandi má vel merkja þessar áherslur og eru fyrirtæki, fjármálastofnanir, lífeyrissjóðir og aðrir í íslensku atvinnulífi farnir að láta til sín taka hvað þetta varðar sem er gríðarlega mikilvægt fyrir frekari framþróun og árangur á þessu sviði. Það má gera ráð fyrir enn frekari áherslu á loftslagsmál og sjálfbærni á öllum sviðum næstu ár og líkur til að skýr stefna og aðgerðir á þessu sviði verði enn mikilvægari hluti af starfsemi fyrirtækja til framtíðar.

LOFTSLAGSLEIÐTOGAR

Atvinnulífið leikur lykilhlutverk í loftslagsvegferðinni enda verða lausnirnar að miklu leyti til í atvinnulífinu. Mannauðurinn í atvinnulífinu keyrir áfram nýsköpun og þróun á þessari vegferð. Hver og einn einstaklingur skiptir máli því við höfum öll áhrif og getum verið hreyfiafl í rétta átt þegar kemur að loftslagsmálum og sjálfbærni í rekstri.

Einkunnarorð Festu eiga vel við í þessu samhengi – allt sem þú gerir hefur áhrif. Þar gegna stjórnendur lykilhlutverki. Margir stjórnendur gera sér grein fyrir því að umhverfisstefna og aðgerðir í loftslagsmálum geta skilað rekstrarlegum árangri og aukið eftirspurn eftir vöru þeirra eða þjónustu. Hlutverk og ábyrgð þeirra í loftslagsmálum skiptir raunverulegu máli í heimi þar sem loftslagsbreytingar ógna vistkerfum og samfélögum. Það mun því leggjast á herðar sterkra loftslagsleiðtoga úr atvinnulífinu að axla þessa ábyrgð og fara fram með góðu fordæmi.

Baráttan við loftslagsbreytingar er langhlaup, sem krefst bæði alþjóðlegrar samhæfingar og samstarfs, fremur en staðbundinna úrræða, aðgerða og forgangsröðunar. Til þess þarf stjórnendur sem eru tilbúnir til að stíga stór skref, breyta hugsunarhætti og sjá heildarmyndina í nýju ljósi. Áskoranirnar eru stórar, enda þarf að draga mikið úr losun.

Íslensk fyrirtæki sem eru að taka sín fyrstu skref í loftlagsaðgerðum og mælingum geta sótt sér ráðgjöf og upplýsingar víða. Sérfræðingum og fyrirtækjum sem bjóða upp á ráðgjöf fyrir umhverfisvæna starfsemi fjölgar ört í íslensku atvinnulífi. Fyrirtæki hafa fjölmörg tækifæri til að taka virkan þátt, fara fram með góðu fordæmi, draga úr kostnaði til lengri tíma, og sækja á ný mið.

SAMSTAÐA OG JÁKVÆÐNI

Eins og áður segir mun atvinnulífið leika stórt hlutverk í lausn loftslagsvandans, ekki síst þegar kemur að tækniþróun, nýsköpun, og hönnun á umhverfisvænum lausnum. En ábyrgðin er jafnframt mikil. Það krefst framsýni í bland við hugrekki að taka þau stóru skref sem framundan eru.

Það er til mikils að vinna. Við vitum hvað þarf að gera og við erum á réttri leið. Með samvinnu, samstöðu og samræmingu atvinnulífs, stjórnvalda og samfélagsins í heild eru okkur allir vegir færir.

Höfundur greinar er Birta Kristín Helgadóttir, forstöðumaður Grænvangs.

Greinin birtist í áramótablaði Frjálsrar verslunar.

Aðrar fréttir

card thumbnail
Kynningarfundur um nýsköpunarstyrki EIC

Þann 19. maí nk. stendur Rannís, ásamt EEN, SSP, SI, Evris og Grænvangi, fyrir kynningarfundi í...

18. maí 2022
card thumbnail
Loftslagsmót 2022

Loftlagsmótið, vettvangur fyrir fyrirtæki og aðra aðila í nýsköpun, fer fram þann 4.maí næstkom...

22. apríl 2022
card thumbnail
Samhent átak lykillinn að árangri

Á ársfundi Grænvangs ræddu stjórnvöld og atvinnulíf samvinnu á sviði loftslagsmála

12. apríl 2022
card thumbnail
Ársskýrsla Grænvangs 2021

Ársskýrsla Grænvangs fyrir árið 2021 er nú aðgengileg hér á vefnum.

5. apríl 2022
card thumbnail
Ársfundur Grænvangs

Samstíga á árangursríkri loftslagsvegferð - þáttur atvinnulífsins í orkuskiptum Íslands

24. mars 2022
card thumbnail
Ársfundur Grænvangs - taktu daginn frá!

Þér er boðið á ársfund Grænvangs, samstarfsvettvangs atvinnulífs og stjórnvalda um loftslagsmál...

8. mars 2022
card thumbnail
Carbon Recycling International taka þátt í öflugu starfi Grænvangs

Carbon Recycling International (CRI) hefur gengið í lið bakhjarla Grænvangs, samstarfsvettvangs...

18. febrúar 2022
card thumbnail
Hagar bætast við bakland Grænvangs

Hagar hafa gerst bakhjarlar Grænvangs, samstarfsvettvangs stjórnvalda og atvinnulífs um loftsla...

20. desember 2021
card thumbnail
Kapphlaup að kolefnishlutleysi

Í aðdraganda Loftslagsráðstefnu Sameinuðu þjóðanna í Glasgow 2021 býður Breska sendiráðið á Ísl...

20. október 2021
card thumbnail
Krón­prins Dana kynnti sér Græna framtíð

Friðrik krónpins Dana heimsótti í gær margmiðlunarsýninguna Græna framtíð.

14. október 2021
card thumbnail
Græn framtíð lítur dagsins ljós

Samkomulag um fjármögnun Grænvangs til næstu fimm ára

21. september 2021
card thumbnail
Hringrásarhagkerfið – hlutverk okkar í að minnka sóun

Hvernig er hægt að stuðla að ábyrgri framleiðslu og neyslu þegar kemur að matvælum, fatnaði, by...

3. september 2021
card thumbnail
Engar samgöngur eftir áratug?

Skýrsla Sameinuðu þjóðanna um loftslagsbreytingar, sem kom út í dag, er afdráttarlaus.

9. ágúst 2021
card thumbnail
Loftslagsvegvísir og umhverfisvænt kvótakerfi

Grænvangur, ásamt sjö atvinnugreinafélögum kynnti nýlega Loftslagsvegvísi atvinnulífsins.

13. júlí 2021
card thumbnail
Loftslagsvegvísir atvinnulífsins - samvinna, orkuskipti og nýsköpun

Nýsköpun og fjárfesting á öllum sviðum atvinnulífsins eru mikilvægar forsendur árangurs í lofts...

28. júní 2021
card thumbnail
Loftslagsvegvísir atvinnulífsins

Í dag var nýr Loftslagsvegvísir atvinnulífsins gefinn út og kynntur í Húsi atvinnulífsins. 

23. júní 2021
card thumbnail
Loftslagsvegvísir atvinnulífsins - bein útsending

Loftslagsvegvísir atvinnulífsins verður formlega kynntur miðvikudaginn 23.júní kl.15:00 í beinu...

22. júní 2021
card thumbnail
Útflutningur grænna lausna

Eitt stærsta framlag Íslendinga til loftslagsmála er útflutningur hugvits og grænna lausna.

11. júní 2021
card thumbnail
Plastið í atvinnulífinu - öll erindi eru nú aðgengileg á vefnum

Rafrænn viðburður um ábyrga plastnotkun í íslensku atvinnulífi fór fram 26.maí.

31. maí 2021
card thumbnail
Plastið í atvinnulífinu - lærum hvert af öðru og öxlum ábyrgð
17. maí 2021
card thumbnail
Hver verður loftslagsarfleifð okkar kynslóðar?

Íslenskt samfélag hefur sett sér það markmið að verða kolefnishlutlaust árið 2040 og jarðefnael...

7. maí 2021
card thumbnail
Vel heppnað Loftslagsmót 2021

Loftslagsmót fór fram með rafrænum hætti miðvikudaginn 21.apríl og tókst gríðarlega vel til.

26. apríl 2021
card thumbnail
Loftslagsmót – stefnumót um lausnir framtíðarinnar

Grænvangur, RANNÍS og EEN standa  nú fyrir Loftslagsmóti,  í samstarfi við Festu og Atvinnuvega...

16. apríl 2021
card thumbnail
Bill Gates, kófið og loftslagið

„Ísland er í kjörstöðu til að vera í forystu þeirra sem stefna í þá átt sem Bill Gates fjallar...

1. apríl 2021
card thumbnail
Framlag Íslands til Loftslagsvænni framtíðar

Ársfundur Grænvangs 2021 var haldinn 23. mars

24. mars 2021
card thumbnail
Taktu þátt í rafrænu loftslagsmóti 2021

Loftslagsmótið haldið í annað sinn

22. mars 2021
card thumbnail
Er jarðefnaeldsneytislaust Ísland prinsípmál eða pípudraumur?

Á öllum þessum sviðum þarf endurnýjanlega orku, svo um raunveruleg orkuskipti verði að ræða. Ís...

18. mars 2021
card thumbnail
Rafrænn viðskiptafundur Íslands og Tékklands á sviði nýsköpunar og grænna lausna

Íslenskar og tékkneskar tækninýjungar á sviði umhverfis- og loftslagsmála voru kynntar á rafræn...

18. mars 2021
card thumbnail
Íslenskar grænar lausnir kynntar í Evrópu

Íslenskar grænar lausnir voru í forgrunni á vefviðburði sem var haldinn í samstarfi milli sendi...

10. mars 2021
card thumbnail
Vetni – til hvers?

Ísland gæti orðið meðal fyrstu landa heims til að verða alfarið óháð jarðefnaeldsneyti.

14. janúar 2021
card thumbnail
Ís­land leiðandi í græn­um lausn­um með Green by Ice­land

Grænvangur setti enska vefsíðu sína í loftið með rafrænum kynningarviðburði

18. desember 2020
card thumbnail
Íslenskar grænar lausnir og tækifærin erlendis

Eitt stærsta framlag Íslands í loftslagsmálum er útflutningur sérfræðiþekkingar á sviði endurný...

16. desember 2020
card thumbnail
Framlag Íslands í loftlagsmálum

Stærstu áskoranir þjóða heims í loftslagsmálum snúa að orkuskiptum.

9. desember 2020